कन्हैया आछी लागी रे थारी प्रीतडी,
म्हारे मनडामें उठी रे हिलोर सांवरा,
आछी लागी रे थारी प्रीतडी ।।
कन्हैया में तो दीवानी थारे नाम री,
म्हासु था बिन रयो नहीं जाए सांवरा,
आछी लागी रे थारी प्रीतडी ।।
कन्हैया थारी तो मुरली मन मोह लियो,
तू तो मीठी मीठी मुरली सुनाय सांवरा,
आछी लागी रे थारी प्रीतडी ।।
कन्हैया थारा दर्शन सुं सुख निपजे,
म्हाने बेगा बेगा दर्शन दीज्यो आय सांवरा,
आछी लागी रे थारी प्रीतडी ।।
