आओ आओ जी पधारो बाबा श्याम,
बुलावे थारा टाबरियां,
थारे स्वागत को कर राख्यों इंतज़ाम,
बुलावे थारा टाबरियां…
पलके बिछाई राह में थारी, बेगा सा आ जाओं,
थारे दरश की प्यासी अखियां, अण की प्यास बुझाओ,
म्हारे हिवड़े ने मिल जावेगो आराम,
बुलावे थारा टाबरियां…
सोणा-सोणा हार पहरास्यां, केसर तिलक लगास्यां,
मोकलो इत्तर मँगायो थाने, इत्तर से नुहास्यां,
सारा झुक झुक के करांगा प्रणाम,
बुलावे थारा टाबरियां…
चौखा भजन सुणावांगा जो, थारे मन ने भावे,
भाव भरया भजना से थारो, जी राजी हो जावै,
इबतो आ ही जाओ म्हारां सुख धाम,
बुलावे थारा टाबरियां…
हे रंग रसिया हे मन बसिया, बात राख ल्यो म्हारी,
बिन्नु बोले थारी म्हारीं, प्रेम की रिश्तेदारी,
बाबा प्रेम निभानो थारो पहलो काम,
बुलावे थारा टाबरियां…
आओ आओ जी पधारो बाबा श्याम,
बुलावे थारा टाबरिया,
थारे स्वागत को कर राख्यों इंतज़ाम,
बुलावे थारा टाबरियां,
आओ आओ जी पधारो बाबा श्याम,
बुलावे थारा टाबरियां।
