आयो फागण मेलो, बाबो मारै हेलो,
खाटू धाम चालो, भगतां नै संग लेलो ।।
तर्ज – लल्ला लल्ला लोरी दूध की कटोरी ।
फागणियो रंगीलो महीनो, बहुत लागै प्यारो,
मंदरिये में होली खेलां, सागै खाटूवालो,
केसर-रंग पिचकारी, लाल गुलाल उडेलो,
खाटू धाम चालो, भगता नै संग लेलो ।।
जमघट माचै आँगणियै मं, नाचां-कूदां जोर से,
टोलिया की टोली आवै, जयकारा बोलै जोर से,
ढोलक-ढप और झांझ बाजै, साथ में नगाडो,
खाटू धाम चालो, भगता नै संग लेलो ।।
लागे है दरबार ऐसो, बाबे की सरकारी में,
फरियादी है रकम-रकम का, आ की ताबेदारी में,
होवै है सुणवाई, थे भी अर्ज़ी दे लो,
खाटू धाम चालो, भगता नै संग लेलो ।।
शरणागत का संकट बाबा, से ना देख्या जावै,
दुखियां का संताप बाबो, पल में मिटावै है,
ऐसो है दयालु, श्याम खाटूवालो,
खाटू धाम चालो, भगता नै संग लेलो ।।
के सोचै है बावला, कर ले खाटू की त्यारी,
श्यामधणी का दर्शन करस्या, दुविधा मिट ज्या सारी,
बहुत ही बेगो रीझे, मोहन मुरलीवालो,
खाटू धाम चालो, भगता नै संग लेलो ।।
ओड बड़े संसार माही, थारो ही आधार है,
बाबा म्हारी लाज राखजे, टाबर की पुकार है,
श्याम मंडल फरमावै, सबने गले लगा लो,
खाटू धाम चालो, भगता नै संग लेलो ।।
