सांवरिया रे म्हारो छोटोसो है यो परिवार
म्हाने भूल कदे ना जाज्यो जी,
हर दम आडा आज्योजी,
म्हारा खाटू वाला श्याम… म्हारा खाटू वाला श्याम…
सांवरिया रे म्हारो आपस में बण्यो रहवै प्यार,
कोई बुरी नजर ना लागे जी,
रहवां म्हे सगळा सागे जी,
म्हारा खाटू वाला श्याम…
सांवरिया रे म्हारो रहवै निरोगी परिवार,
कोई बुरा करम से बचाज्यो जी,
प्रेम की ज्योत जगाज्यो जी,
म्हारा खाटू वाला श्याम…
सांवरिया रे म्हारो हरयो-भरयो रहवै परिवार,
कोई पूण-पावलो भिजाज्यो जी,
दान-धरम भी कराज्योजी,
म्हारा खाटू वाला श्याम…
सांवरिया रे म्हारो सत्संगी रहवै परिवार,
थारै भग्तां के घर आज्यो जी,
कहवै ‘अम्बरीष’ मान बढाज्योजी,
म्हारा खाटू वाला श्याम…
