मनड़ो म्हारो घबरावे धीरज भी छूटो ज्यावे,
दीज्यो सहारो म्हारा सांवरा,
ओ बाबा, दीज्यो सहारो म्हारा सांवरा,
आँखड़लिया भर भर आवे जद भी तू देर लगावे,
लीले चढ़ आजो म्हारा सांवरा,
ओ बाबा, लीले चढ़ आजो म्हारा सांवरा,
थारी किरपा से बाबा जीवन गुजारां जी,
जीवन गुजारां जी,
बिपदा जद आवे कोई थाने पुकारा जी,
थाने पुकारा जी,
थारो मुळकतो चेहरों आंख्यां के आगे फेरो,
धीर बँधावो म्हारा संवारा,
जग में हसाई म्हारी, मत न करवा ज्यो जी,
थारा ही टाबरियां हां, आके जता ज्यो जी,
भीगी आखँखडली म्हारी,
जो वे बाटडली थारी,
संग में दिख जो थे म्हारा संवारा,
मनड़ो म्हारो घबरावे धीरज भी छूटो ज्यावे,
दीज्यो सहारो म्हारा सांवरा,
बीती सुनावा थाने अरजी लगावा जी,
गलती की माफ़ी बाबा थारे से चावा जी,
जितना रुलाओ म्हाने जितना तरसावो म्हाने,
टाबर में थारा ही हा सांवरा,
मनड़ो म्हारो घबरावे धीरज भी छूटो ज्यावे,
दीज्यो सहारो म्हारा सांवरा,
थोड़ी घबराहट जी मैं थोड़ो अंधेरो जी,
हारंगा कोणी बाबा इतना तो बेरो जी,
प्रीतड़ली थारी महारी पड़ जा सी सब पर भारी,
अंश करे है आशा साँवरा,
मनड़ो म्हारो घबरावे धीरज भी छूटो ज्यावे,
दीज्यो सहारो म्हारा सांवरा
