लीला रे म्हाने श्याम से मिला दे,
छम छम करतो बेगो आ,
श्याम धणी ने सागे ला….
तू तो है बाबा की सवारी,
तेरे बिना हाले ना बिहारी,
अर्जी म्हारी लेतो जा,
श्याम धणी ने सागे ला,
लीला रे म्हाने श्याम से मिला दे….
साँवरिये ने अरज सुणाजे,
तू भी थोडो जोर लगाजे,
आंखड़ल्या की प्यास बुझा,
श्याम धणी ने सागे ला,
लीला रे म्हाने श्याम से मिला दे….
तू सेवक बाबा को प्यारो,
तेरे बस में श्याम हमारो,
सेवकिया री लाज निभा,
श्याम धणी ने सागे ला,
लीला रे म्हाने श्याम से मिला दे….
आशा मन में तेरी भारी,
कद आसी म्हारो श्याम बिहारी,
‘नंदू’ वादो करतो जा,
श्याम धणी ने सागे ला,
लीला रे म्हाने श्याम से मिला दे….
लेखक – नन्दू शर्मा जी
