कईया बेठ्या हो चुपचाप,
बाबा थे म्हारा माँ बाप,
म्हापे लागी थारी छाप,
थारे भरोसे म्हे हाँ साँवरा,
ओ थारे भरोसे म्हे हाँ साँवरा॥
थारे हाथा में म्हारी जीवन डौर है,
थार आगे ही रोने को मेरो जौर है,
म्हाने थारो ही आधार,
म्हारो था पर दारमदार,
म्हारो सारो परिवार,
थारे भरोसे म्हे हाँ साँवरा,
ओ थारे भरोसे म्हे हाँ साँवरा॥
मेरो दूजों नही है कोई आसरो,
थे ही पीहर हो थे ही म्हारो सासरो,
म्हाने थारे से ही आस,
म्हारो थारे पर विश्वास,
म्हे तो चरणा रा दास,
थारे भरोसे म्हे हाँ साँवरा,
ओ थारे भरोसे म्हे हाँ साँवरा॥
सारो जीवन बितायो थारे आंगणे,
अब कुण के घरा म्हे जावा मांगणे,
दूजो कुण दे सी म्हाने,
ताना दे सी से थाने,
मोको ना द्यो दुनिया ने,
थारे भरोसे म्हे हाँ साँवरा,
ओ थारे भरोसे म्हे हाँ साँवरा॥
जो भी कहणो थो ‘बिन्नू’ थाने कह दियो,
या ही विनती है थे ही लज्जा राखियो,
थारी किरपा आया फेर,
पासो पलटण में ना देर,
दाता सुणल्यो म्हारी टेर,
थारे भरोसे म्हे हाँ साँवरा,
ओ थारे भरोसे म्हे हाँ साँवरा॥
