जदसूं बाबा थारी सेवा को, काम मिल गयो,
ओ महाने, रोज़ी रोटी को इंतजाम मिल गयो ।। टेर ।।
तर्ज – दिलदार यार म्हाने तो निभायां सरसी ।
जाणे कांई देख म्हाने, सेवा मं लगाया जी,
पापी हृदय मं भगती, भाव थे जगाया जी,
कूण से कर्मां को यो, इनाम मिल गयो, जद … ।। १ ।।
तूं ही मेरी मथुरा काशी, तूं ही हरिद्वार है,
तेरे च्यारूं मेरे बाबा, मेरो परिवार है,
थारे चरणां मं चारूं धाम मिल गयो, जद … ।। २ ।।
होठां पे हरदम थारे, नाम को जिकर है,
तेरे होतां सोतां म्हाने, क्यांकी फ़िकर है,
जीवन की चिंता से, आराम मिल गयो, जद … ।। ३ ।।
हाज़री बजाऊं ‘माधव’, गली-गली घूमके,
भजन सुनाऊँ थांने, नाच और झूमके,
सुख-दुःख को साथी, म्हाने श्याम मिल गयो, जद … ।। ४ ।।
लिरिक्स – अभिषेक शर्मा (माधव) जी
